由於即叫即蒸需時, 好彩流動車隔離係7-11, 7-11門外剛好有2張枱, 我們坐下等, 順便係7-11買定咖啡, 雖然坐室外好熱, 幸好有遮檔, 叫了小籠包、燒賣、蒸餃各一籠, 我覺得小籠包係最好味, 而燒賣、蒸餃都不錯, 大家都覺得不夠, 於是再每樣encore各一籠
10:15搭捷運由O7文化中心站去O1西子灣站, NT25/人, 車程10分鐘
我們係西子灣站1 號出口出, 然後行10分鐘去鼓山渡輪碼頭
乘搭渡輪去旗津, NT15/人, 船程只需5分鐘 (好似香港中環坐渡輪去尖沙咀咁近)
這裏的渡輪, 上層坐人, 下層係運載機車的 (以前香港都有這樣的渡輪又載車又載人, 好有懷舊感覺)
沿海的風景頗優美
旗津舊名為「旗後」, 是高雄最早的發祥地, 是高雄的一個小島，有點像香港的長洲
一出碼頭見到有多間租單車店, 朋友見到有一家四口的香港人係「小麥町」的租單車店租一部四人的有縫的電動單車3小時NT600
天氣又熱又曬, 大家相量後, 都想租有縫的電動單車, 於是大家去「小麥町」問價, 點知職員好強硬地話做不到3小時NT600給我們, 明明之前見到香港果家人係租這個價錢 , 我們唔租這間, 行過隔離街另一間租, 原來都是「小麥町」, 但這間的職員好好多, 可以3小時NT600租一部四人的有縫的電動單車, 我們一共租兩部, 租車時要抵押護照, 朋友們試行一下兩部電動單車
12:00出發, 我們沿海邊行駛, 因為係電動的緣故, 部車行得好慢!!! 不過好處是不用用力踏
我們先去最遠的景點 - 風車公園, 車程大約30-40分鐘
沿途見到多個寺廟 - 旗津天后宮, 好多個紅紅燈籠掛起廟前, 好特別
天聖宮
褔壽宮
行到一半, 不見朋友部車, 我們係路邊停下等他們, 隔了一陣, 見到其中一個朋友跑過來, 原來他們部車的後輪爆汰, 我們立刻打電話俾個職員告之情況, 他話會立刻派人來, 15分鐘後, 維修員工到達, 換了後輪的零件, 再打氣入條汰到, 檢查一次就走, 我們要求維修員工延長租車時間給我們, 他話沒有問題, 會同公司講聲!
13:10終於到了風車公園, 只見到一對香港人正在影相, 我們都影張相留念, 就急急走人! 因為太陽正直頭頂, 超曬!!
之後返轉頭, 駛到旗津貝殼博物館入內參觀, 是免費入場的, 收藏量都算多, 但寫明不可以影相, 最重要係有強勁的冷氣, 真係不捨得走
14:20離開貝殼博物館, 正想開車走之際, 朋友部車又發現同一個車輪又爆汰, 又打電話俾租單車店, 職員質疑我們是否行上沙地令到車輪又爆汰, 我們當然立即否認, 仲要投訴佢浪費我們的時間, 10分鐘後, 另一維修員工到達 (我們認得這位維修員工是第一間問價好強硬果位職員), 佢今次換了個車汰, 又檢查一次就走, , 我們又要求維修員工延長租車時間給我們, 他叫我們同番租單車店的職員講, 其實我們都想返租單車店換另一部車
返到租單車店搵職員, 職員話補番一小時租車時間給我們, 但我們未食午飯, 我們要求先將果2部電動單車放係租單車店, 好彩職員都肯, 14:45行去海鮮街的旗後活海產食海鮮
叫了螺、炒蜆、白灼蝦、炒蟹、燒蠔、椒鹽白飯魚、炒菜、炒飯和炒麵, 各樣餸都煮得好好味
食飽好滿足, 16:00去番租單車店取回2部電動單車, 我們只有一小時的租車時間, 立刻繼續未去的景點, 用了大約10分鐘到達旗後砲台和燈塔
單車或電動單車不可以上旗後砲台, 先泊在山下, 然後步行一少段山路就到 (就在行上山時發現老公的背包沒有揹, 原來佢顧住泊車, 泊車後忘記拿背包, 佢立刻跑下山, 好彩背包還在, 若果係我國或其他治安較差的國家實被人攞了!)
旗後砲台 - 現在看不見大砲, 據說日治時期時, 砲台之大砲被拆走熔毀
係旗後砲台可以望到旗津海水浴場
遠眺85大樓
睇完砲台, 落番山, 行去另一邊再上番山去睇燈塔, 旗後燈塔於一九一八年建成, 是由英國工程師為應付打狗港商船往來頻繁而建的
17:00準時還車, 之後行去旗後觀光市場買手信
買完手信出來見到有巡遊, 又舞獅又放炮仗, 好熱鬧
天氣好熱, 見到小朋友係旗津海水浴場忘形地玩水
19:00搭渡輪離開旗津, 係鼓山渡輪碼頭附近的海之星食個沙冰, 旁邊也有幾家沙冰店, 但生意好似沒有這間好
這間沙冰店最特別是不論牆、枱、窗或天花板都有顧客留名
我的朋友都有留名呢!
我們叫了一個超級大盆的雜錦生果加雪糕沙冰一齊食
食完透心涼的沙冰, 就搭捷運去食晚飯 - 六合夜市掃街, 其中一對朋友話唔去六合夜市, 想返酒店休息, 叫我們係夜市外買一些小食給他們, 於是我們6人去到O5美麗島站落車, 出閘後, 係車站大堂欣賞著名的「光之穹頂」
榮獲世界排名第二的全世界最靚地鐵站 - 美麗島站, 由意大利藝術家Narcissus Quagliata親手打造, 內容講述宇宙的誕生、成長、榮耀與毀滅
美麗島站11出口出就是六合夜市, 感覺六合夜市較瑞豐夜市闊落, 但食物種類不是太多, 據說這個夜市本地人唔多, 反而遊客就好多, 尤其係大陸客
我們先去鄭老牌木瓜牛奶買出名的木瓜牛奶飲
跟住去鱔魚姊食鱔魚麵, 好難食, 不是想像般的鱔魚麵, 好彩我們只叫一碟試食先
之後食度小月担仔麵和蚵仔煎, 担仔麵每碗份量好少, 味道可以
最後每人買個胡椒餅食
21:45搭番捷運返酒店, 我們再係美麗島站的另一邊玩3D畫拍照, 是台灣3D藝術家圖龍繪製的歐洲文藝復興巴洛克風格的3D畫作, 好好玩, 影完出來的效果真係好有立體感
我和老公係酒店附近買滷味返酒店食, 之前係懇丁食過的滷味好好味, 但係酒店附近買的就一般
沒有留言:
發佈留言