今日9:00前落去食早餐, 酒店提供的都是簡單的早餐, 有多士、鷄蛋、湯及杯麵
食完上房收拾行李, 然後check out
搭地鐵由海雲台站去沙上站, 1400W一程, 再在沙上站轉乘釜山金海輕軌線去機場, 500W一程
到機場後, 先去海關櫃枱給海關人員蓋章
跟住將行李寄艙
過關後, 我們去退稅櫃枱拿回退稅的錢
我們去了機場的lounge食了一點小食
14:55飛機起飛回香港
後記:
來釜山旅遊絕對要櫻花季來, 到處都是櫻花, 而釜山購物、住宿、食物都比首爾便宜一點, 相信去了多次首爾的遊客, 都會轉來釜山旅遊
今次都有很多釜山景點沒有去, 如梵魚寺、太宗台、冬柏島、APEC世峰樓及距離釜山較遠的慶州, 唯有留待下次再來遊覽
酒店包早餐, 但我們遲起床, 去到早餐處已見職員收拾緊早餐食物, 只剩多士及杯麵
今日天氣好差, 下著大雨, 我們先出發去E-Mart 購物買手信, 我們估計會搭4次或以上的地鐵, 所以每人買一張地鐵一日票, 4500W一張
搭地鐵由海雲台去中洞站, 係中洞站7號出口出就是E-Mart
這裡有退稅服務, 超過30000W, 可以退稅, 退稅的錢就要到出境日時, 係機場取
我們先返酒店放低戰利品, 搭地鐵去大淵站食午餐, 在大淵站3號出口出, 店名叫雙胞胎豬肉湯飯, 釜山最出名的當地美食就是豬肉湯飯
見到差不多枱枱都點Boiled pork with rice, 我們當然也點2份, 7500W一份; 雖然是平凡的食材, 但卻真的很美味!!! 難怪這麼多人來食
食飽後, 我們行去搭巴士, 在大淵站1號出口, 行前些就是巴士站, 搭27號巴士, 1200W一程, 坐到終點站就到達五六島天空步道
2013年興建這條天空步道, 步道就建在原有的五六島展望台上, 是個用透明強化玻璃建成的步道, 但可惜今日整天下著雨, 步道關閉, 不開放給人行
我們在五六島資料中心逗留了一會就走
回程都是搭27號巴士, 1200W一程, 今次我們在釜慶大學站下車
搭地鐵由釜慶大學站去金蓮山站, 在金蓮山站 5號出口出, 行去南川洞櫻花道影櫻花, 路程12分鐘
其實櫻花道只是一條行車道路, 兩旁種滿櫻花樹, 但因為落雨關係, 見很多櫻花已落下.....
原本沿路行番去地鐵站, 行到近海邊時發覺是廣安里海灘, 都是夜景靚一點
搭地鐵由金蓮山站回海雲台站, 這時終於停雨, 我們行去海邊海雲台浴場影下相, 夏天的時候, 這裡人山人海
之後行去海雲台市場逛逛, 這市場有濕貨檔、乾貨檔、日用品檔及有食肆等
行番酒店放低雨傘, 休息一會, 再出發食晚飯, 搭地鐵去大淵站5號出口出, 步行約7分鐘就到 - 明洞一隻雞
點了一隻雞 18000W, 一隻雞為2人份量, 雞湯有濃郁的雞味, 雞肉要沾醬料食才好食!, 可以加點白飯、麵條或炒飯, 但我們要留肚食宵夜, 所以沒有加
食飽後, 再搭車去西面站9號出口出, 去橋村炸雞買炸雞番酒店食宵夜
我們叫了原味的炸雞, 15000W一份, 等店員做炸雞都了15分鐘, 等侯期間見炸雞店生意非常好, 好多外賣單
今早已買定啤酒, 炸雞配啤酒真是絕配, 而炸雞真係好好食, 食到不停口呢!!!!
炸雞好熱氣, 最後我們食番清甜的士多啤梨滋潤一下
