3:45約了朋友大堂集合, 先去7-11買杯咖啡提提神, 係7-11門外有流動車售賣早餐
阿里山海拔2170公呎, 當時天氣是15度, 我著住外套加風褸都還可以, 原本帶了羽絨都沒有上場
昨天買了今日4:20的小火車去祝山睇日出, NT100/人
去到阿里山車站已經人頭擁擁, 一般上祝山的火車一日一班, 如多人就會加開一班, 今日的情況要開兩班火車, 至於開出的時間就每日不同, 視乎日出時間而定, 這條線會經過森林遊樂區內的沼平站, 是阿里山最受歡迎的觀日路線
我們上到第一班火車, 但坐位已滿, 只能企位
火車準時開出, 外面漆黑一片什麼都看不到, 車程大約25分鐘, 4:45到達祝山站
祝山站是比阿里山站更高海拔的一個站, 也就是全阿里山最高的車站, 有海拔2451公尺
車站的出口有指示牌寫明日出時間及回程時間, 因為祝山線只是接送旅客看日出, 所以運行時間一般只是4:00-6:00, 今日我們的日出時刻係5:25
行過樓梯上去, 有個挺大的空地, 就是祝山觀景台, 可能無風的關係, 天氣不冷; 據說由於山上天氣莫測, 一年只有一半日子能夠觀賞日出, 有人試過來10次阿里山都未能成功觀賞一次, 夏天來機會較大, 所以我們都好希望今次可以看到
係等待期間, 在人群前有一位阿伯, 他好似導遊在講解阿里山的特色, 但聽得不太懂
大約5:25, 太陽慢慢升起, 但這個日出不夠美, 不是我想像淡紅紅的日光從雲層裹跑出來, 雖然有點失望! 不過都叫做睇到日出吧!
看完日出, 我們沿著「祝山觀日步道」下山, 見到小火車由祝山站開出
大家邊走邊拍照, 用了差不多2小時回到阿里山商店區
我們先去昨晚食晚餐的餐廳食早餐 (早餐是旅館包的, 都是派餐券給我們), 自助形式, 種類不多, 飽肚就是
食飽後, 回旅館收拾行李check out, 我們將行李寄存在旅館, 然後出發去神木森林遊樂區
我們經過阿里山郵局, 是全台灣最高的郵局, 外觀是宮殿式的設計, 值得拍照留念
我和朋友去寄明信片, 我寄一塊木製的明信片給自己 (昨日係阿里山7-11買的), 郵費比普通明信片貴一點, NT17/塊, 老公不停係旁邊說實會比人攞了, 寄不到回家, 但我又覺得不會, 明信片已寄出, 唔擔心得咁多, 看看幾日後收不收到
寄完明信片, 正式出發行神木森林遊樂區, 我們經過阿里山賓館, 係阿里山最靚的旅館
沿途有櫻花樹, 可惜已過了櫻花期
沿著步道走, 看到很多百年千年巨木, 最老的有三千年, 多是巨大的檜樹, 當地人幫樹木改了一堆名字
象鼻木
三代木
台灣最高的學府 - 香林國民小學
樹靈塔 - 日人因開發「阿里山」大量砍伐樹木, 感於有生之物皆具靈性, 乃豎塔以慰其靈, 其地基一圈代表樹木年輪 (一輪 500 年)
千歲檜 - 樹齡2000年的紅檜
阿里山香林神木 - 這是第二代的神木, 因為本來的神木被雷劈了, 由這顆2300年的神木取而代之
阿里山吊橋 - 只限6人過
受鎮宮
經「木蘭園」, 再向上走一段石梯級後, 便到達「永結同心」樹
「金豬報喜」樹
「三兄弟」樹
「四姊妹」樹
再向前行就到「姊妹潭」的景點, 姊妹潭的姊潭
姊妹潭的妹潭
要睇的景點差不多睇完, 於是選擇行沼平公園的捷徑, 不行沼平車站, 希望快點回旅館, 最後我們用了大約3小時完成神木森林遊樂區
有朋友話今朝早起睇日出, 不夠睡眠時間, 行山路好辛苦, 另有朋友仲行到之後腳痛, 我覺得神木森林遊樂區的山路, 有很多大樹遮擋住太陽, 行起來已算舒服; 另方面, 如果我們掉轉由沼平公園二或沼平車站開始行, 終點是阿里山賓館, 上山的路無咁多, 可能行得會輕鬆些
11:30食午餐, 係中華電信店附近有兩檔露天麵檔, 我們去了其中一檔食牛肉麵, 山上的價錢比市區貴NT40, NT120/碗
食飽後回旅館取行李, 由於我們已check out, 有朋友想借用旅館的洗手間換衫, 但旅館職員拒絕, 叫我們去7-11隔離的公共洗手間, 咁大間的旅館借用洗手間都唔得, 實在有點說不通吧!
原先約了包車司機13:00接我們, 現在可以早點下山, 打電話通知司機改時間, 12:10由另一個司機接我們, 今程是由阿里山直駛去嘉義高鐵站, 價錢都是一樣NT3000一程無得減, 旅館職員的理由是嘉義高鐵站比嘉義台鐵站遠一些, 相差30分鐘車程, 係途中司機的電話不停地響, 我們聽到他被下一個客人催促, 相信司機遲到了! 最後司機用了2小時車程到達嘉義高鐵站
我們買了14:26的車票去高鐵左營站, NT410/人, 車程30分鐘, 有幾位朋友話未坐過台灣高鐵, 而我和老公就第二次坐
望著車外風景都是一片片綠油油的草地
15:00到達高鐵左營站, 其實即是高雄
行去隔離搭捷運先去酒店check in, 由R16左營站搭捷運去O7文化中心站, NT30/人, 車程大約20分鐘
由捷運文化中心站出, 行3分鐘就到我們入住的酒店 - 統茂松柏大飯店, 平均HK$500/間, 住2晚, 不包早餐, wifi信號好強, 但其中2位朋友的一間房間冷氣不夠、沖涼水的水力微弱、房間有蚊, 極度不滿意, 向酒店職員要求換房, 職員話酒店的房間已滿, 沒有多餘的房間可以換, 最後這2位朋友自行調教冷氣的風簾, 房間的冷氣總算可以接受
16:45酒店出發, 有2位朋友話今晚想做按摩, 我們先係酒店附近行下, 見到附近都有2間按摩店, 但價錢都不便宜, 計過要差不多HK$300/90分鐘, 果2位朋友話今晚再諗...., 大家都開始肚餓, 行番去搭捷運由O7文化中心站搭捷運去R14巨蛋站, NT25/人, 車程15分鐘
巨蛋站1號出口出
行5-8分鐘到就會見到我們今晚晚餐的地方 - 瑞豐夜市掃街, 話係高雄最大的夜市, 要留意開放時間是每週二、四、五、六、日才開
瑞豐夜市係高雄市民常去的夜市, 由於瑞豐夜市兩邊的食檔之間的通道好窄, 又多人, 大家都見議分開食, 我和老公和另外1位朋友每人先食一串燒雞肉串, 可能太肚餓, 這串雞肉串好好味
之後食酥炸大魷魚, 又係好好味
食了油炸食物好口渴, 每人買了杯西瓜汁飲, 之後見番另外幾位朋友, 大家一齊食臭豆腐
跟住食蚵仔麵線和蚵仔煎, 但不好食, 蚵仔麵線沒有第一日係嘉義果間咁好食, 蚵仔煎都只是一般
瑞豐夜市除了小吃種類眾多之外, 也有攤位是售票精品
之後又同另外幾位朋友失散, 老公和2位朋友未飽, 每人食個胡椒餅
這時收到失散了的幾位朋友whatsapp, 原來他們已回酒店, 因其中2位朋友趕住去做按摩, 我們覺得有點貴, 所以沒有做
19:40行番去捷運巨蛋站搭捷運回酒店
今日早起睇日出, 又行了山路, 大家都早點休息
沒有留言:
發佈留言