復活節釜山鎮海賞櫻之旅 Day 4 海雲台 機張市場 海東龍宮寺 樂天東釜山outlet 廣安大橋夜景

今日早餐去高峰飯捲食飯捲, 如搭地鐵就在西面站7號出口對面就是

 

叫了一條原味飯捲2300W 和 一條豬排飯捲 3500W

之後返酒店收拾行李check out; 今日轉酒店, 我們會轉去海雲台果邊住, 由西面站搭地鐵去海雲台站, 1400W一程

酒店要1600先可以check in, 我們先寄存行李係酒店, 然後出發去機張市場食午餐, 在海雲台地鐵站7號出口前, 乘坐181號巴士前往機張市場, 車程大約45分鐘, 1200W一程

如果唔搭巴士, 可以搭火車由海雲台火車站到機張火車站, 以前海雲台火車站在海雲台地鐵站2號出口出就是, 但現在搬到較遠, 要轉巴士才到, 加上火車班次較疏, 所以沒有考慮搭火車

舊海雲台火車站

來機張市場主要食長腳蟹, 成條街都有好多間賣蟹的店舖

我們隨意找一間買了兩隻中型的長腳蟹, 議價後一共65000W

之後店員帶我們去對面的餐廳用餐, 去到已見好多韓國人正在用餐, 餐廳會收每人3000W的煮食費

店員會幫我們拆剪蒸好的長腳蟹, 長腳蟹啖啖肉, 有蟹的鮮味, 好味道!

蟹蓋的蟹膏留下, 轉作蟹膏炒飯, 3000W一個, 當中包埋一個豆腐湯

食飽後, 係機張市場附近行了一圈, 行到機張火車站

沿途折返落車的巴士站, 係對面搭番181號巴士去海東龍宮寺, 車程30分鐘, 1200W一程, 其實頭先巴士來機張市場時, 會經過海東龍宮寺

這是一間蓋在海邊的廟, 是韓國三大觀音聖地之一

這裡是影日出的好地方

之後我們從海東龍宮寺門口行去樂天東釜山outlet, 路程15分鐘, 這個outlet去年12月23日才開幕, 集合outlet 、樂天百貨及樂天mart, 由於時間關係我們只行了outlet這部份

Outlet門口就有巴士站, 我們再次搭上181號巴士回海雲台, 1200W一程

先返酒店check in, 今晚入住的酒店 - Hotel The Sun, HK$417一晚 , 住2晚, 有wifi, 包早餐

這間酒店有24小時自由取用的爆谷、多士、咖啡, 以及多款口味的飲品和水, 我們每次進出酒店都一拿兩罐飲品飲

本來是預訂簡約的大床房間, 入房後, 發現酒店職員upgrade了一間有童話特色的3人房間

晚餐去PRO醬油蟹專門店食醬油蟹, 由酒店行去只需5分鐘

點了醬油蟹小份55000W、蒸蛋5000W和2個白飯1000W, 醬油蟹是用醬油醃制的生蟹, 之前沒有食過醬油蟹, 怕質感滑潺潺, 食過後, 發現相當美味, 撈飯食超正!!! 食到最後就覺得有點膩

之後去廣安里海灘影廣安大橋夜景, 由海雲台站搭地鐵去廣安站, 1200W一程, 在廣安站3或5 號出口出, 向海邊方向行大約15分鐘