今日的目的地係鎮海, 因為櫻花季時整個鎮海處處都有櫻花, 這裡是賞櫻的好地方
乘地鐵到沙上站5號出口出, 1200W一程, 出來左轉直走2分鐘就是西部市外巴士站
到售票處買車票, 5100W一程, 不設劃位, 每隔15-20分鐘一班, 車程約1小時10分鐘
往鎮海的巴士在17號月台
巴士9:06開出, 路途中已看到街道旁櫻花盛開
下車後, 我們跟住人先行去最熱鬧的中原路圓環, 其實大部分人都係朝同一方向行 , 附近會看見很多攤檔, 有食、有買的
之後行到去鎮海驛
在鎮海驛的左面, 過了隧道, 就到餘佐川洞羅曼史橋, 這裡是韓劇《羅曼史》的拍攝地, 所以原名叫做「餘佐川橋」現在叫做「羅曼史橋」, 這條羅曼史橋約2公里長, 橋的兩旁種滿櫻花
而河道中掛了不同的裝飾, 在櫻花的襯托下, 好美!
我們係羅曼史橋附近食了一串燒魷魚, 3000W一串, 好大串, 好食!
行完羅曼史橋, 我們係鎮海驛對面馬路坐307號巴士到慶和火車站下車, 1100W一程, 其實都不是太清楚落車的位置, 我們見到差不多全車人都在同一個站下車就知道應該到慶和火車站了!
慶和火車站原只係位於慶尚南道鎮海市慶和洞的火車沿線上的簡陋車站, 並於 2006 年起已停止載客服務, 月台上仍保存了慶和站的指示牌
沿著鐵道兩旁種滿櫻花樹, 形成一條景色絕美的櫻花鐵路, 沒有火車經過時, 遊人都在路軌上拍照
聽到有廣播, 叫遊人站在路軌兩旁, 有火車會駛過, 大家紛紛行到路軌兩旁霸佔有利位置希望拍出美麗的火車照片
實在太多人, 我們拍了一會, 就搭番307號巴士回鎮海驛, 1100W一程
我們在中原路圓環附近隨便找一間食店食午餐, 見其他枱都只是食兩款款式, 於是我們就點了果兩款, 一個應該是全州伴飯6000W和一個湯飯6000W, 全州伴飯好味, 湯飯就一般
係中原路圓環附近有個叫帝皇山公園, 要行數百級階梯或搭軌道車上山, 但我們沒有上去
我們行番去鎮海巴士站, 今早到鎮海巴士站後, 已買定回程車票, 5100W一程
車票沒有限時間, 只要當天搭就可以, 1445開車
落車後, 係沙上巴士站對面的Angel-in-us Coffee食下午茶, 點了一杯Latte、一杯Green Tea Latte和朱古力多士, 一共15200W
之後搭番地鐵去西面站, 我們想行下今早食早餐的釜田市場, 其實係一個街市, 買了一盒士多啤梨3000W留待今晚食
晚餐食詹姆士芝士脊排, 如搭地鐵係西面站2號出口出
我們點了普通份量的芝士14000W, 排骨的味道可以選微辣、辣、非常辣
沒有留言:
發佈留言