慢慢逛見到一座好有色彩建築 - 印度教廟 Sri Mariamman Temple馬里安曼興都廟
再行過三條街, 見到牛車水地標 - 彿牙寺龍華院, 它是 一座仿唐代佛寺建築
彿牙寺對面, 就是Maxwell Food Centre 麥士威
話說昨日本來想去Sentosa的賭場行下,
去到門口老公俾守衛話男士著拖鞋不可以入賭場, 而今次旅程, 我們只係帶了拖鞋,
沒有帶波鞋, 所以我們今日行到牛車水大厦,
好似香港的市政街市,
係地下找到一檔賣鞋的舖頭,
老公買了一對A貨Converse, 打算今晚著住入去金沙賭場, 同個賣鞋老闆講價, 平了S$2比我們, 但忘記了價錢,
只記得不用一佰元港紙, 老闆是一個唐人, 知道我們是香港人, 同我們講佢好鍾意睇香港電視劇, 話時常睇的, 唔理真定假, 這個老闆幾好笑
跟住去Bugis Street, Bugis Street的感覺就似一個有蓋的女人街, 商店所賣的多是平民化貨品, 但沒有收穫
跟住由Bugis Street行了15分鐘, 去LE Cafe Confectionery & Pastry 買了4盒黃梨撻(S$9一盒)作為手信, 另外買了一盒豆腐蛋撻S$8, 一盒有8個, 不可以分開買, 而且豆腐蛋撻是要冷藏的, 不可以帶回香港, 所以我們係這兩天自己食晒佢
買完黃梨撻後, 直接搭的士返酒店S$4, 即刻食個豆腐蛋撻試下, 真係好味道, 係酒店小休一會, 先出去食晚飯
今晚表姐約了朋友不可以陪我們食晚飯, 約了明天酒店等, 送我們出機場, 所以今晚我們自己食
這裡是沒有餐牌的,想食什麼就隨便講,因今晚仲有宵夜要食,所以我們只叫了黑胡椒蟹, 這裡規定要叫2隻S$57.6, 我們沒有所謂, 我和老公都鍾意食蟹, 每人一隻蟹重好, 非常好味!!!
食完, 我們行10分鍾, 到Eunos站搭MRT去Marina Bay Sands 的 Skypark 觀賞新加坡的夜景, Skypark 的售票處入口在Tower 3外面, 要搭電梯落一層, S$20, 真係幾貴, 如果係Sands的住客就唔需要比錢上去!
食飽就搭MRT返酒店休息
沒有留言:
發佈留言