新加坡之旅 Day 1

近年來, 新加坡開拓很多新的旅遊點, 有賭場, 環球影城, 摩天觀, 最吸引當然是環球影城, 又有很多地道美食, 於是就計劃了這次四天的旅程

今日搭星航8:00早機往新加坡, 約3小時45分鍾的航程就到達樟宜國際機場

飛機經過越南

見到新加坡了

落機後, 過關拿行理, 沿住指示, 行落去LG3這層 - MRT樟宜機場站(CG2)搭MRT出市區
出發前問朋友借了兩張 EZ-Link Card, 這張咭就好似香港的八達通, 好處是每程比買單程票有優惠, 可用在地鐵及巴士上, 非常方便, 因單程票需要先付S$1按金, 出閘後再退回按金, 有點麻煩; 這張咭的費用是S$12 (其中S$5為按金, 不能退回, 另外S$7為可用車資, 如有剩餘車資, 可於退卡時一併取回), 如咭內面額低於S$3, 將不能夠使用, 要即時增值


我們先每張EZ-Link Card增值S$10, 跟住搭MRT去Lavender站(EW11), 到酒店 V Hotel Lavender check in, 車程20分鐘, 一上地面就見到一個小型foodcourt和其他小店, 經過這些店舖再轉右, 即到酒店, 酒店樓下有便利店, 非常方便!

房
















間設備齊全, 但房間細, 住了三晚都乾淨舒適, 此酒店沒有提供免費 internet / wifi, 網友講過酒店的網絡十分不隱定, 不停斷線, 所以我們都沒有付款使用

放下行理, 就出發食我們第一餐的美食, 係酒店對出有巴士站 Lavender Stn, 搭12號巴士14個站, 車程20分鐘

去到Opp Rosy Sq落車行幾步就到非常有名的328加東叻沙, 每人叫了small sizeS$4的叻沙和凍意米水S$1, 叻沙一定要加鰤魽, 好鮮甜!! 好好味

食飽後, 係附近的電話亭打電話比住在新加坡的表姐, 相約今晚食晚飯

跟住係328 加東叻沙對面的巴士站搭回12號巴士返Lavender Stn

再搭MRT去Orchard站(NS22) ION Orchard商場逛逛

之後去Marina Bay Sands Hotel (濱海灣金沙酒店), 我們搭MRT去Promenade站 (CC4) 的A出口出, 橫過馬路, 沿Temasek Avenue直走, 再過馬路, 就會到達Youth Olympic Park(青少年奧林匹克公園), The Helix Bridge (螺旋橋)和金沙就在海灣的對面

跟住行去Singapore Flyer (新加坡摩天觀景輪)

約了表姐一家6:30在這裡等, 之前表姐問我想食什麼, 我話朋友介紹過一間叫 Number 3 Crab Delicacy Seafood Rest, 表姐夫是新加坡人都話未去過, 於是揸車接我們去這間食晚飯, 點了麥片蝦, 辣椒蟹, 炸和蒸饅頭各一碟來點辣椒蟹汁

最特別是新鮮螄蚶 -- 係香港好少食, 食了一粒後覺得都鮮甜, 之後都食多少少, 但老公食了兩粒便停下來, 最後差不多是表姐夫掃晒成碟！

表姐和表姐夫話這間食店的辣椒蟹普通, 明晚帶我們去另一間食梗好味的蟹....期待!!!


食過晚飯去了表姐他們屋企坐吓, 探他們的初生bb女

坐了一會, 他們就揸車送我們返酒店休息