叫了2碗咖哩烏冬, 380Yen/碗
跟住出發去大阪賞櫻的名城 - 大阪城賞櫻, 我們先在地鐵難波站增值2張ICOCA卡, 每張增值1000Yen, 之後乘搭御堂筋線到本町站, 再轉中央線到谷町四丁目站前往大阪城, 230Yen
沿著指示牌到9號出口, 上到路面, 經過NHK, 歷史博物館, 再過馬路, 就到達大阪城外圍
一進園便見到櫻花 - 垂櫻
護城河, 一長排的櫻花滿開, 好靚!
大手門側的千貫櫓
在櫻花季很多人進去西之丸庭園賞櫻, 要收費200Yen, 我們沒有進去
日本人一邊欣賞櫻花一邊食便當
行到中心便到天守閣, 上天守閣要收費600Yen, 但看見有條人龍等上天守閣, 我們沒有考慮上去
大阪城是1583年秀吉開始在本願寺的舊址上建造城樓，不久這座被譽為“三國無雙”的宏偉城郭建成完工
其間見到有2對日本新人正在影相
13:00離開大阪城, 返回谷町四丁目站搭地鐵堺筋線到堺筋本町站再轉到日本橋站, 200Yen
沿著指示牌到10號出口, 行一陣就到食午餐的地方 - 黑門市場
黑門市場主要售賣海產鮮魚, 亦有不少食店在這裡經營。因為食物新鮮, 價錢相宜, 好多本地居民都會這裹買餸, 所以吸引不少像我們的遊客去食。這裹是室內街市, 但地坂乾爽, 沒有腥臭味, 令人行得好舒服
我們先去一檔賣蟹的檔口買了一份蟹腳480Yen, 然後去黑門三平食刺身飯, 叫了三文魚魚子飯900Yen, 吞拿魚刺身飯1000Yen, 帶子刺身980Yen, 我們順便在這裹偷偷地食埋蟹腳 (好彩沒有俾職員發現)
食飽後, 在黑門市場內的水果店買士多啤梨留待今晚食368Yen
15:00離開黑門市場, 其實日本橋就在難波旁邊, 所以我們步行到難波, 途中老公見到有部飲品機做特價, 於是買了一罐咖啡飲60Yen, 俾之前買的平一半呢!
我們先返酒店放低士多啤梨和較重的相機物品, 然後行去心齋橋shopping, 這裡可以說是大阪最集中的購物商店街, 一連幾條街都是各式各樣的小商店; 心齋橋有幾間大藥房, 要格價先好買
心齋橋的地標「跑步的Glica男」
出名的蟹道樂, 好多香港人食, 加上我們第一晚係和歌山已食了蟹餐, 所以沒有考慮在蟹道樂食
係街邊見到有飲品機售賣栗米湯, 終於可以一嘗傳聞中的栗米湯, 因之前係和歌山和白濱的飲品機, 一係栗米湯售罄, 一係冇得賣, 買了一罐栗米湯, 120Yen/罐, 有一粒粒栗米係入面, 好似真係飲緊栗米湯一樣!
只是行心齋橋我們已行了好耐, 血拼後係大丸百貨買定麵包作為明天的早餐
20:00去心齋橋附近食晚飯 - 北極星食蛋包飯, 北極星是蛋包飯始祖的店舖
入到店內我們需要先將鞋子放在鞋櫃內, 這裹的舖設是榻榻米, 要席地而坐, 坐在我們附近的都是香港人
叫了啤酒, 海老雞肉蛋包飯和牛肉蛋包飯, 一共2310Yen
食飽後, 去了激安之殿堂閒逛, 有幾層高, 賣不同類型的物品, 有衫、電器、化妝品、遊戲機、GAME、影碟、食物等, 營業到半夜五點, 我們在這裹買了幾盒咖啡, 一共574Yen
之後仲買了大阪名物 - 章魚燒500Yen返酒店食
沒有留言:
發佈留言