新春海南島之旅 Day 2 海口 火山口公園 金牛嶺公園

9:00酒店餐廳集合食早餐, 酒店包早餐, 如果俾錢是RMB10一人, 食的都是白粥, 饅頭, 雞蛋, 菜圃














10:00出發, 搭公車17路去海口汽車西站落車, RMB1一人

其間我們問過出租車由海口汽車西站直接去火山口公園, 多部出租車司機都話新年不睇錶, 叫價RMB200, 真係搶錢! 我們當然唔搭! 問了其他公車司機, 知道在原站再搭公車24路去到路口下車獅子岭站, RMB2一人, 之後再找三腳雞入火山口公園大約RMB3一人

但我們在路口找不到三腳雞, 之前問了公車司機他話由路口行去火山口公園不到2公里,  於是我們決定走路去, 但行了一會, 見到路牌寫去火山口公園4.5公里, 同司機講的差咁遠?!

由於老人家開始行到有點累, 其間見到有一部出租車, 司機向我們招手多次, 出租車的司機叫價RMB50, 本來我們都沒有還價, 叫老人家上車, 但果位司機竟然話老人家唔載, 實在太過份, 邊有司機衰得佢咁緊要, 我們當然唔搭! 好彩這時有部三腳雞, 本來車上剩餘3個位, 但車上的人知道我們一家十四人後, 全部落車讓我們坐, 其實架三腳雞好細, 我們一家全部免強逼入, 直接送到火山口公園後門, RMB3一人

12:20終於到達火山口公園, 門票RMB60一人

我們先在火山口公園附近醫肚, 食湯麵RMB12和炒麵RMB15

食飽後, 開始入公園內遊覽

中間陷下的地方就是火山口, 其實火山口已被濃密的樹披遮了

火山觀景台
















海口的制高點只有海拔222.8m而已

15:30遊覽完火山口公園, 我們去火山口公園出面200米路的荔灣酒家食下午茶小炒, 叫了多款小菜, 如羊蹄, 鹵羊肉和出名的椰子飯, 都好美味

16:40食飽後, 行番去火山口公園, 本來想搭三腳雞出返路口, 但等了20分鐘都沒有車, 打電話俾載我們的三腳雞果位司機又收工! 今朝話唔載老人家個衰司機又見到佢, 佢仲夠擔向我們招手坐佢車, 我們都費事理佢! , 最後找到部7人Van, 同司機講價肯RMB5一人載我們出路口, 我們一家全部又再一次免強逼入部Van仔到, 好彩10-15分鐘車程, 如果唔係真係辛苦死!!

17:00出到路口獅子岭站, 我們搭番公車24路去金牛嶺公園逛逛, 車程30分鐘, RMB2一人, 我在金牛嶺公園入面已前後見到3隻老鼠, 實在太駭人了

逛完金牛嶺公園已入夜, 我們在公園附近食晚飯, 今日年初一好多食店唔開, 幾經辛苦找到一間亨美樂餐廳, 味道一般, 大約RMB5XX

食飽後, 我們在街邊的燒烤檔買了些串燒食

之後搭公車36路返酒店, 但公車不近酒店, 我們在最近酒店的市人民醫院站落車, 然後行番酒店, 路程45分鐘, 返到酒店已很累, 我立即沖涼睡覺, 老公就和小朋友係酒店旁邊的空地放煙花