聖誕澳洲之旅 Day 0 夜機

一早和一班朋友計劃十二月去旅行, 但其中一位朋友要到九月先確定到公司批假情況, 所以一直只傾談地點, 當時大家傾向韓國+台灣行, 但我年頭先去過韓國, 所以興趣不大, 覺得有十二天假(連聖誕)想去較遠的地方, 想到在南半球的澳洲過一個夏日的聖誕, 好特別! 之後相約另外2位女朋友一起同行, 而原先相約去旅行的果班朋友, 最後因果位朋友放唔到聖誕假, 所以他們沒有同行, 今次澳洲之旅就我, 老公和2位女朋友一共4個人去
我們和2位女朋友的機票是分開買的, 今早我做了網上check in, 希望選定窗口坐位, 但原來選坐位要另外收費, 所以只好航空公司安排坐位, 位置當然唔好, 機尾的中間行

今次乘搭澳洲航空夜機原定22:50起飛, 今日中午收到澳航的SMS通知我們班機要delay, 改為23:30起飛, 這樣也好, 我有足夠時間放工返屋企冲涼, 食少少嘢先出機埸

係機埸會合老公, 2位女朋友還未到, 我和老公先去澳航櫃台把行李寄倉, 嘗試改坐位, 但櫃台人員話班機好爆, 沒有多餘的兩人窗口坐位, 事後發覺櫃台人員講大話, 2位女朋友沒有做網上check in, 她們都可以安排窗口坐位, 激氣! 

過關後, 離登機還有時間, 老公係Mc Donald食飽

這時我有少少胃痛, 好彩老公有胃藥係身, 即刻食一粒, 2位女朋友亦已搵到我們, 她們食飽後, Y朋友要去免稅店幫她的澳洲朋友買煙, 原來係澳洲買煙好貴, 要差不多HK$100一包

準備登機

登機前, 澳航的工作人員要檢查所有乘客的手提行李先可以上機, 主要檢查有無帶樽裝水, 我們之前就係準備了一樽水上機, 所以D水要倒去

入機倉前拿了兩份報紙, 準備睡不着時可以睇下

航機上有獨立電視, 牙膏, 牙擦, 還有眼罩

起飛不久就開始有睡意.....