雖然昨晚好夜先睡, 但今天是旅程最後一日, 我們都唔想太遲起床, 希望作最後衝刺
9:00集合, 在酒店食早餐, 種類和昨日有少少不同
跟住返房收拾行李, checkout, 寄存行李在酒店
10:30我們去樂天百貨supermarket再買番多少少手信, 如泡菜
11:30 W和V靚太想繼續在明洞shopping, 但我和V靚太可能唔夠瞓, 覺得很累, 我們係番第一晚的coffee cafe坐下, 飲杯Green Tea Latte等她們
13:30集合, 係明洞食午餐 (係V靚太的公司朋友介紹) - Bulgogi Brothers 烤肉兄弟, 叫了2份不同的牛和餃子,
129800W
心形的免治牛好靚
話說, 我們叫了另一份普通的牛, 起初有個服務員幫我們煎, 但後期佢走開服務第二枱, 我們又不知道等唔等個服務員回來好,
見其他服務員又沒有幫我們煎, 當我們想自己煎時, 個服務員回來, 那份牛已煎濃了, 我們當然唔收貨, 找經理傾, 經理都好好, 立即換番全新一份給我們,
個經理仲親自負責煎比我們食
15:30返酒店拿回行李, 跟住搭機場巴士出機場
先攪退稅, 然後入閘過關, V和L靚太俾海關人員捉到泡菜和飲品不可以hand carry, 要出番去寄倉, 好彩我們預早時間到機場, 出番再入去過關仲有時間
本來飛機是20:05起飛, 去到閘口先知班機要delay1小時
於是我們去了閘口附近的一間cafe食綠茶雪糕烤餅
21:00飛機終於起飛
後記 :
韓國到處都有免費wifi, 我用智能手機隨時都可以和老公whapsapp和skype, 非常方便!!
女子團旅行好的地方是可以瘋狂購物, 不用顧慮老公悶, 有時老公仲會話我買得多; 唔好處是買得太多和行理太重冇人拿!!
昨晚我終於睡得到, 反而L靚太話失眠, 睡得唔好
約了9:15集合, 先係酒店食早餐, 早餐是buffet,
種類不多, 但好味
10:30我們先去明洞的樂天百貨9樓Duty Free shop
買雪花秀, 跟住我和L靚太仲要幫朋友買其他牌子的skin care, 而W和V靚太沒有其他skin care要買, 所以她們走先, 係樂天百貨其他樓層逛,
我買完skin care後, 都係樂天百貨逛逛, 其間都有少少收穫
我們約定12:30在樂天百貨地下大堂集合,
大家先返酒店放低戰利品, 跟住係明洞隨便找一間餐廳食午餐
食飽後, 我們係明洞爭取時間繼續血拚
16:00 我們搭的士去梨大行
其間係路邊小販檔食了一些小食
梨花女子大學
18:30 我們由梨大行去新村, 上年和老公住的酒店就在新村,
所以梨大新村一帶的路都幾熟, 不用地圖都可以
這間是卡拉OK, 好靚!
係新村行了一會, 就係新村食晚飯 - Nolboo挪夫家部隊鍋,
叫了一個海鮮部隊鍋, 個鍋好大, 有d辣, 但好香海鮮味, 大家都覺得好食!
我們想加餸點多一份肉腸, 但點錯了一個鐵板肉腸, 同服務員講番,
他們好好肯換番俾我們, 完全沒有黑臉, 要比個讚他們
跟住係路邊小販檔買了幾盒士多啤梨諗住帶番香港做手信,
然後22:30去L和V靚太指定要去的Hello Kitty Café食甜品 (她們是Hello Kitty粉絲!)
全間都是粉紅色
大大的kitty貓框
叫了Hello Kitty Cake, Green Tea
Latte和coffee, 40000W, 可愛造型的kitty食物, 咖啡上都灑了kitty可可粉, 好靚
Hello Kitty Café23:30關門,
我們要走
跟住搭的士去弘大, 原本諗住去弘大的pub見識一下,
但經過pub的時候, 發覺不是心目中所想的好多美男美女, 所以我們只係附近隨便找一間酒吧飲嘢, 傾下計, 間酒吧連埋我們得兩枱客人,
好靜!
飲到大約兩點搭的士返酒店, 洗面沖涼後, 差不多四點先睡,
我去旅行好耐未試過咁夜先睡....
昨晚我睡得唔好, 不知是否因為自己拿行李
(平時老公負責拿行李!), 令到雙手好酸痛, 痛到睡不著! 而L靚太就話好累, 好快睡著,
睡得好好
本來酒店包早餐, 但我們之前搭零晨機, 想睡多一會,
加上今日要去食人參雞, 所以放棄酒店的早餐
10:30搭地鑯去景福宮站 - 土谷村參雞湯,
上年已和老公來過, 咁好味的參雞湯, 當然要和幾位靚太分享, 每人一個參雞湯(15000W一個,
比上年貴1000W)
食飽後, 12:30搭地鐵去會賢站5號出口 - 南大門
我們先去賣皮褸的舖頭睇, 但沒有收穫,
W和V靚太諗住去童裝批發中心買童裝比她們的女, 但原來星期日南大門的批發中心係唔開的, 我們沒有留意這點! 幸好發現小販檔有童裝賣,
款式都不錯, 所以W和V靚太都有少少收穫! 跟住W和L靚太係另一攤檔買了護耳套
見肚餓, 我們係南大門的大排檔試地道小食, 叫了炒辣年糕,
雞肉串, 炒粉, 炸墨魚餅, 長壽牌米酒, 奶白色小小甜有氣好易入口, 好特別, 32000W
16:00我們搭的士去首爾站旁的樂天超市 LOTTE Mart買手信,
每人都買了很多手信, 樂天超市不提供購物袋, 但有大量不同大小的紙盒提供,
我們每人打包一箱即刻搭的士返酒店放低
跟住係明洞逛逛, 其間食了出名的32cm長雪糕, 我就覺得普通,
不太滑!
入夜後我們去今個旅程的唯一觀光景點 - 南山N首爾塔,
上年和老公係日間去, 今次就夜晚去, 原來真係晚上觀賞靚過日間, 搭纜車來回每人8000W, 上到山真係凍好多, 影完相, 逗留一會就落山
晚餐去明洞食石頭飯 - 全州中央會館, 上年和老公食過,
好味的!, 叫了2個石頭飯, 1碟煎餅和大醬湯, 51500W
食飽再夜逛明洞, 跟住返酒店, 之前係樂天超市買了一盒士多啤梨,
我們幾個靚太一邊傾計一邊食士多啤梨, 好開心!!
好耐之前已經傾話要幾個女子一齊去旅行, 今年終於成事,
大家放低老公, 女係香港, 四個靚太出發去首爾shopping! Yeah!
約了23:15係機場等, 我和L靚太早到機場,
跟住收到V和W靚太電話, 她們正搭機場巴士出機場, 但W靚太告訴我們佢忘記了帶首爾旅行書, 幸好我們發現機場有page one 書店,
立刻買番一本首爾旅行書, 錢當然是W靚太俾啦!
之後人齊, check in, 入閘過關; 過關後, 由於距離登機仲有一段時間,
我們去McDonald食杯雪糕先
今次同我上年去首爾一樣, 搭零晨機,
飛機01:00起飛
當地時間05:20到首爾機埸,
之後搭6015號機場巴士出明洞
我們今次訂了明洞的Metro Hotel
由於我們太早到達, 未到check in時間, 酒店不可以安排房間, 我們先寄存行李在酒店, 跟住係明洞食早餐
- Caffe Pascucci, 叫了4份三文治和 4杯飲品, 30500W
因為我和L靚太之前來過首爾自由行, 所以我們每人有兩張T-money Card, 剛好今次4個人用,
我們先在便利店增值
跟住搭地鐵去龍山站去汗蒸幕 - Dragon
Hill Spa
上年同老公去過, 好容易找到, 地庫係溫泉浴場區, 男女分開的, 但要赤裸浸溫泉,
L和W靚太怕尷尬, 所以沒有浸, 她們係更衣室換好衫, 就去了女睡眠區休息,
而我和V靚太就去浸溫泉, 好舒服! 之後我們去睡眠區找L和W靚太, 我們嘗試瞓, 但有個韓國妹打鼻鼾非常大聲, 完全睡不到
見已經中午, 於是換番衫, 搭返地鐵回明洞酒店check in拿房間, 酒店安排兩間不同樓層的房間給我們,
我和L靚太住一間, V和W靚太住一間
之後我們每人先在明洞的找換店唱韓幣, 跟住去食午餐
- 明洞咸興冷麵, 叫了2碗冷麵和一碟餃子, 24000W
跟住搭地鐵去東大門shopping, 老公怕shopping, 所以上年都沒有來, 東大門有幾個shopping
mall, 我們先去Doota, 這裡售賣比較中高檔次的服裝
逛了一陣只有L靚太有收穫, 跟住轉場去Hello APM和Good Morning City,
但這2個商場的服裝大家看不上眼, 沒有收穫, 之後再去對面馬路的新shopping mall, 都係沒有收穫, 大家都有些失望
其間買了香蕉奶飲, 好味!
行到累, 決定搭的士返明洞食晚飯 - 糕三時代烤肉店, 係用年糕皮代替生菜包住烤肉來食, 好似幾特別,
但我都係鍾意用生菜包烤肉多些, 叫了三層肉, 牛和酒, 88000W
食飽後, 係明洞逛逛, 大家買了一些skin care, 跟住返酒店休息
