曼谷蘇梅島之旅 Day 9 曼谷機場 香港

今日起床, 肚子沒有再痛, 感覺好多了, 酒店職員送來早餐, 今日食番中式早餐 - 粥

今晚有飲宴, 所以我們唯有搭早機回香港, 收拾行李check out後, 酒店職員幫我們截的士出機場, B300一程

乘搭泰國航空10:30起飛, 飛航時間大約3小時, 香港時間14:20到達香港機場


後記:

蘇梅島睇日落真係一流, 好靚!!!, 但出外島的浮潛點太遠, 玩浮潛的時間變相少了

曼谷都係離不開飲飲食食、shopping和做message, 好relax!!! 下次我再去泰國的時候, 真係要記住係街邊檔口飲飲品時, 要走冰!

曼谷蘇梅島之旅 Day 8 曼谷 Chatuchak Weekend Market 翟道翟市場

起床後, 我發覺肚子痛, 又痾又嘔, 極度辛苦, 但老公一點事都沒有, 我的腸胃比較敏感, 肯定係食了不清潔的食物, 我思前想後終於想到應該是昨晚飲果杯冰茶出問題, 泰國有部分食店用的冰係普通水喉水做成的, 之前我跟團去曼谷巴提雅又係出現過肚瀉, 昨晚我一時忘記叫走冰, 就這樣中招....

我自己忘記帶止痾藥, 只是搽了一些藥油, 再痾多一兩次, 感覺好多了, 我在床上休息多一會兒, 老公就在房間食早餐, 今日叫番西式早餐, 我見肚子沒有再痛, 但胃口始終不太好, 只是食了一塊白麵包就出發去翟道翟市場

酒店近BTS的Asok站和MTR的Sukhumvit站, 今日我們就搭MTR由Sukhumvit站去Kamphaeng Phet站, 2號出口出就到翟道翟市場, 翟道翟市場好大, 只限星期六和日開放, 貨品種類多不勝數, 有服裝、首飾、皮具、家居用品、工藝品、寵物店等等

行到餓, 係翟道翟市場內的粉麵檔食豬肉丸河, B30/碗, 下午的翟道翟市場又熱又多人, 真係冇乜心機行, 每人買了一個椰皇飲, B30/個, 行多一會便走, 搭番MTR由Kamphaeng Phet站去Sukhumvit站返酒店休息一會

晚飯去Centre world食, 搭BTS由Asok站去Chit Lom站, B20/人, 我們去了一間叫Fuji的餐廳食日本菜, 一共B800

飯後, 老公本來想再去Big C掃貨, 但我的肚又開始痛和肚痾, 於是急急返酒店休息, 搭BTS由Chit Lom站去Asok站, B20/人

 

曼谷蘇梅島之旅 Day 7 曼谷 Grand Place 大皇宮 / Khao San Rd 高山路 / 大中魚翅

酒店包早餐, 今日我們選擇食中式早餐 - 粥, 味道有點喊

我們今日買了BTS one day pass B120/人, 由於覺得昨日買的手信不太夠, 於是再去 Amarin Plaza的合記林真香買手信, 搭BTS由Asok站去Chit Lom站 (BTS one day pass), 之後返酒店放低手信,  搭BTS由Chit Lom站去Asok站 (BTS one day pass)

再出發去Grand Place大皇宮, 搭BTS由Asok站去Saphan Taksin站 (BTS one day pass), 然後行去Central Pier 搭Oragne Flag Boat 去Tha Chang (N9) 9號碼頭落船, B15/人, 船程大約15分鐘

經過好多5星酒店

其中半島酒店最勁, 有私人碼頭和私人船

湄南河兩岸的景色很美

見到對岸的鄭皇廟

在碼頭下船, 步行大約10分鐘, 就到大皇宮, 入場費B250/人, 皇宮建於1782年, 是差不多每個遊客必到的地方, 整個塔都是金色, 金碧輝煌

其中一個主殿要脫鞋, 灑聖水才可進入

迷你吳哥窟

The Chakri Group 節基殿, 在大皇宮裡, 規模最大的皇殿就是節基殿, 建於第五世皇時代的1876年, 「節基」含有「神盤」、「帝王」的意思, 也是曼谷皇朝的名稱

遊覽完大皇宮, 之後去Khao San Rd高山路行下, 這裡是鬼佬背包客集中地, 因為有好多廉價住宿和酒吧, 我們就在Khao San Rd的McDonal食午餐, 然後係The Phra Arthit (N13) 13號碼頭搭船返Central Pier, B15/人

天氣好熱, 又行到累, 我們去近BTS Saphan Taksin站的Robinson 百貨公司的food court嘆下冷氣飲杯檸檬茶, 休息一下

晚餐食大中魚翅, 位置於Robinson 側邊的巷仔頭, 係街邊檔口來的

叫了2份魚翅B400/煲、海鮮炒麵B200, 一共B1000

另外附送2杯冰茶俾我們 (事後我飲了這杯冰茶出事)

食飽後, 搭番BTS由Saphan Taksin站去Asok站 (BTS one day pass)