今次搭01:00零晨機
當地時間05:20到達首爾仁川國際機場, 過了關, 拿了行理, 即刻從行理箱拿出禦寒衣物,例如:羽絨,手套,頸巾著上身
跟住在機場的5B或12A出口搭往清涼里方向的6002機場巴士出新村, 原價10000W, 有1000W coupon, 所以9000W一人, 車程40分鐘
我們在第三站新村站下車, 行差不多5分鐘左右就到酒店新村Casaville, 非常方便
好特別, check in counter在15/F, 由於未到check in 時間, 酒店不可以安排房間比我們, 於是寄存行李在酒店
跟住在酒店隔離的便利店買了T-Money 卡 (韓版八達通) 2500W一張, 再充值, 每人先充值10000W, 在首爾搭地鐵一般都係900W一程
決定第一站先去體驗一下韓國的傳統汗蒸幕 - Dragon Hill Spa 龍山溫泉, 搭地鐵去龍山站, 2 號出口右轉便到
入場費是10000W, 可任浸溫泉, 同時亦提供睡眠的地方,溫泉以外, 其他服務都要收費, 包括洗頭水, 浴帽等等
浸完溫泉, 去睡眠區小睡一個多小時, 整個人精神很多, 見肚餓, 就離開去食午餐
12:00 搭地鐵一個站鷺梁津站(136)1號出口行5分鐘, 在出閘後由天橋行過去, 就係市場的頂層停車場, 行樓梯落兩層就到 - 鷺梁津海產市場(노량진수산시장)
幾佰個水產檔口, 唔知揀邊檔好
選定一檔, 買了海鮮 : 黃帝蟹30000W, 2隻鮑魚和細八爪魚10000W, 之後上一層隨便找一間餐廳煮理, 煮理費12000W, 海鮮真的很鮮甜, 好味!!!
酒店 - 新村Casaville
在酒店休息一會, 搭地鐵去明洞站, 我們先去找換店將港幣兌換韓幣, 係明洞的匯率高過韓國機場的銀行
之後就去首爾地標 - 南山N首爾塔
(N代表Namsan 及 New的意思), 沿Pacific Hotel右側斜路直上, 約行10分鐘會見到纜車站
我們買了來回票, 7500W一人, 一程只用五分鐘就上到山
上塔要收費, 我們沒有上
俯瞰首爾市
許多的連心鎖
網友話南山的夜景靚過日景, 本來我們想等到入夜影夜景, 但山上天氣太凍, 所以搭番纜車落山, 再乘透明自動電梯下山, 跟住往前走, 依路牌右轉, 便進入明洞購物區
先去樂天百貨買雪花秀, 跟住去明洞多間化妝品店掃貨
血拼完後, 係明洞食晚飯 - 全州中央會館, 這是一間百年老字號, 以石頭飯出名, 我們叫了2個牛肉石頭飯(一個18000W)和大醬湯6000W, 好味!!
食飽後, 搭地鐵返新村, 我們在酒店隔離的便利店買定麵包作為明天早餐, 跟住係酒店附近街邊檔買士多啤梨食, 韓國的士多啤梨大大粒好甜!!!
由於搭零晨機, 好倦, 今晚好早上床睡
沒有留言:
發佈留言