本來酒店包早餐, 但我們之前搭零晨機, 想睡多一會, 加上今日要去食人參雞, 所以放棄酒店的早餐
10:30搭地鑯去景福宮站 - 土谷村參雞湯, 上年已和老公來過, 咁好味的參雞湯, 當然要和幾位靚太分享, 每人一個參雞湯(15000W一個, 比上年貴1000W)
食飽後, 12:30搭地鐵去會賢站5號出口 - 南大門
我們先去賣皮褸的舖頭睇, 但沒有收穫, W和V靚太諗住去童裝批發中心買童裝比她們的女, 但原來星期日南大門的批發中心係唔開的, 我們沒有留意這點! 幸好發現小販檔有童裝賣, 款式都不錯, 所以W和V靚太都有少少收穫! 跟住W和L靚太係另一攤檔買了護耳套
見肚餓, 我們係南大門的大排檔試地道小食, 叫了炒辣年糕, 雞肉串, 炒粉, 炸墨魚餅, 長壽牌米酒, 奶白色小小甜有氣好易入口, 好特別, 32000W
16:00我們搭的士去首爾站旁的樂天超市 LOTTE Mart買手信, 每人都買了很多手信, 樂天超市不提供購物袋, 但有大量不同大小的紙盒提供, 我們每人打包一箱即刻搭的士返酒店放低
跟住係明洞逛逛, 其間食了出名的32cm長雪糕, 我就覺得普通, 不太滑!
入夜後我們去今個旅程的唯一觀光景點 - 南山N首爾塔, 上年和老公係日間去, 今次就夜晚去, 原來真係晚上觀賞靚過日間, 搭纜車來回每人8000W, 上到山真係凍好多, 影完相, 逗留一會就落山
晚餐去明洞食石頭飯 - 全州中央會館, 上年和老公食過, 好味的!, 叫了2個石頭飯, 1碟煎餅和大醬湯, 51500W
食飽再夜逛明洞, 跟住返酒店, 之前係樂天超市買了一盒士多啤梨, 我們幾個靚太一邊傾計一邊食士多啤梨, 好開心!!
沒有留言:
發佈留言