E & A 的快樂地圖

2013年2月9日星期六

新春海南島之旅 Day 0-1 深圳機場海口

今年的農曆年連埋星期六有5日假期, 去一個短線遊最適合不過, 老公家人提議坐火車去海南島, 我之前不知道坐火車是可以去到海南島的, 原來是將整架火車載上渡輪上, 然後過海, 感覺幾得意!! 有得玩大家都一呼百應, 於是一家十四人出發海南島之旅

今次主要玩海口, 唔去三亞果邊, 海口是海南島北面的一個城市, 我們去程由深圳搭飛機去海口, 回程由海口坐火車返廣州

因早機的關係, 所以我們早一晚到深圳機場附近的酒店睡了一晚

星期五放工, 約了老公在九龍塘等, 之後搭東鐵去羅湖口岸, 好彩過關唔算多人, 好快過咗關, 跟住係羅湖站搭地鐵去機場東站, 車程70分鐘, RMB9一人

老公家人已去酒店check in拿房間, 我們直接去酒店找他們, 由機場東站行去酒店路程5分鐘

深圳機場大酒店, 我們住RMB288一晚的房間, 可以免費加床

我們先在酒店的餐廳食晚餐, 叫了石鍋飯和星洲炒麵, RMB106

之後上房休息, 明天早機

星期六4:45起床, 5:30大堂集合, 天都未光, 其實酒店有專車送去機場, 但6:00先開始開車, 太遲了!

我們由酒店行去深圳機場, 路程7分鐘, 我們乘搭南方航空7:10起飛, 飛行時間1小時

飛機餐有麵包, 牛奶和鹵水蛋, 都算係咁

8:15到達海口美蘭機場, 這時天下著毛毛細雨

落機後, 拿完行李, 本來想搭高鐵出海口, 但在售票處只可以買到最快11:20的車票, 我們當然沒有搭

機場有機場大巴出市中心, RMB15一人, 但唔近我們的酒店, 要再搭出租車去酒店, 計落唔方便又唔著數

最後決定搭出租車直接去酒店, 上車時我們講明要睇錶, 車程30分鐘, RMB60, 我們入住的是海南陽光世紀酒店, 有陽台, RMB200一晚, 住3晚

酒店不近市中心, 但毗鄰世紀大橋, 房間可以飽覽大橋

分配好房間, 放下行李後, 先去酒店斜對面的餐廳食午餐, 大約RMB4XX

14:10食飽後,開始去我們的第一個景點 - 鐘樓, 搭公車26路就到, RMB1一人

之後過馬路行去充滿南洋風情的海口騎樓老街, 是中國首批十大歷史文化名街之一, 也是內地最大規模兼保存得最完整的騎樓街道

行到累去了一間咖啡店飲杯cappuccino, RMB26一杯

之後見到有燒乳豬檔, 大嬸正在燒乳豬, 我們買了些乳豬即場食, 乳豬皮脆, 好味!

我們在街頭買了些炮仗準備晚上在酒店附近放

18:30搭公車2路去明珠廣場, 係明珠廣場附近找了一間餐廳食晚飯, RMB640, 今日年廿九好多食店提早收爐, 我們想再叫多幾碟餸都話無, 話廚房師傅已收工, 我們是餐廳內最後走的一枱客人

21:00食飽後,天又再下雨,我們搭出租車回酒店,但可能年廿九晚上團年的關係, 截了幾部出租車都話不睇錶, 有一部司機仲叫價RMB50, 最後截了部出租車司機叫價RMB30, 我們都沒有回價即上車, 車程10-15分鐘

我們在酒店隔離油站的便利店買了杯麵, 飲品回酒店, 今日早機早起床, 大家都好累, 買了的炮仗都沒有玩就返房休息

在酒店房間外見到有人放煙花, 整晚都是煙花和炮仗聲中度過

2012年12月26日星期三

聖誕澳洲之旅 Day 12 悉尼機場香港

今日要離開澳洲了, 今天沒有再下雨, 好好天! 因為昨日check out要等10-15分鐘的經驗, 我們今日7:00 check out, 之後係街頭的一間餅舖"Pie Face"買了3個雞批和1個牛肉批做早餐, 一共A$23, 襯shuttle bus未來之際, 我們匆忙食完個肉批

7:25 KTS shuttle bus到達, 之後再去多兩三間酒店接遊客, 然後出機場

到了機場, 我們先去攪退稅, 澳洲的退稅規定 : 必須是離境前一個月所購置的商品, 同一家商店同一天消費, 仲一定要要求商店將所有消費的項目開在同一張且金額一定要超過 A$300的收據單上才可以退稅, 因為我們要退稅的商品都要寄倉, 所以先去 Australian Customs 在收據單上面蓋個"TRS”印章, 工作人員沒有要求所有退稅的物品打開俾佢睇, 好快蓋印就走得